86 avatar middle
更新猿

分享到微信


原贴

方力申開游泳學校做校長 親身上陣免費教!

2449 人阅读过
发表于: 2018-05-16
好多人都知,方力申未入行之前係游泳健將,仲係代表過香港參加奧運,雖然退咗役咁耐,但係到而家佢仲有兩項香港紀錄(200米背泳同400米混合泳)係未俾人打破到架!日前小方就正式喺個人專欄宣佈,要開游泳學校做校長喇!而且仲話唔收「學費」免費教Tim! 究竟係咩玩法呢?

方校長:游水係必學求生技能

近年方力申刻意減產,做過飲食、服裝、公關、電影製作等生意,近日終於的起心肝做番「老本行」,開游泳學校喇!由9歲開始正式訓練,15歲第一次打破香港紀錄,20歲代表香港出戰悉尼奧運,仲打破咗兩個至今無人能破嘅港績,小方呢個「飛魚王子」嘅地位,依然好穩陣呀!



小方認為,游水係必學求生技能,所以除咗要訓練有潛質嘅小朋友之外,亦都希望藉此回饋社會,贊助一些弱勢家庭兒童,教佢哋游水!

真係會親身教?

好多人都問小方,「你開學校,係咪會自己落水教先?」小方就話唔止會親身教,仲會免費教Tim!



飛魚王子喎!點解會「免費教」咁筍?因為小方始有好多工作在身,但係游水嘅訓練係好有系統,開始咗就唔停得嘅,所以如果佢教吓又走吓,就冇辦法對學生負責任喇!如果係咁,不如就免費,佢等閒嘅時候就指導吓,過啲料俾學生咁仲好啦!

飛魚王子點鍊成?

爺爺同爸爸都係游泳健將,小方有咁優良嘅遺傳,自然唔會輸蝕啦!



出身自小康之家,細細個就已經無水不歡!細個跟家人出海玩,未識游水已經戴住吹氣水袖跳落水玩!



9歲開始喺南華會接受正式訓練,中學仲入咗聖若瑟書院,一間專出泳將嘅傳統名校讀書!呢個四眼Look都幾有書生Feel!



方力申同司徒瑞祈唔止係同校師兄弟,亦都曾經一齊效力港隊架!



方力申而家仲係200米背泳及400米個人混合泳二項香港記錄保持者。



因為有運動員嘅背景,方力申亦都做過奧運主持,游泳項目梗係由佢負責啦!



小方開嘅游泳學校,將命名為 Hong Kong Swimming Academy,課程「RippleFly」,by ATOM Academy,寓意給予同學的教育,會像漣漪般從「一」滴水逐漸蔓延,最後成「瀧」一般地,急流一樣地,一飛沖天。


http://share.hk.weibo.com/news/article/20180515/3/29/61/方力申開游泳學校做校長-親身上陣免費教-8838400.html