86 avatar middle
更新猿
和1人一起讨论
84 avatar small

分享到微信


原贴

拍拖18年 迎娶39歲女友!55歲黃德斌 入紙結婚唔擺酒

5522 人阅读过
发表于: 2018-08-10
現年55歲嘅型佬黃德斌,同細佢16年嘅圈外女友Joyce Wong拍拖18年,原來兩人近日已秘密入紙申請註冊結婚,真係恭喜晒!

55歲黃德斌 入紙結婚唔擺酒

黃德斌早年公開講過想事業有成後,先至迎娶女友,佢哋原來近日秘密入紙申請註冊結婚,德斌接受傳媒訪 問時透露,覺得是時候結婚,佢仲話求婚必需要有戒指,但唔會擺酒以及度蜜月,只是同屋企人食餐飯,希望婚事低調同簡單!







對於經常被影到同女友拍拖湊BB,而且黃德斌肉緊狂啜B仔額頭,父愛氾濫,但他否認BB係佢嘅兒子,仲話係的話冇得唔認!



黃德斌 約滿離巢外闖

入行30年的黃德斌先後效力無綫25年,一度在劇集《刀下留人》做男一,但近年已冇乜機會擔正,去年約滿決定離巢外闖。據知近年德斌唔係客串就係做男二,所以覺得係時候出去闖吓,所睇吓有冇機會拍內地劇,不過據知依家都係搭緊路,未有新動靜!







拍拖18年

黃德斌有個拍拖18年的女友黃美恩 (Joyce),雖然至今仍未有結婚計劃,但對女友卻錫到燶,幾年前就打本畀女友在尖沙咀開時裝店,不用開工二人亦秤不離砣。二人在假日不用工作的時間,經常拍拖踩單車,非常恩愛!







稱幫朋友湊

15年初,黃德斌被發現與女友之間多咗個「神秘B」,經常孖住湊仔。據知德斌話BB係佢朋友個仔,叫做稀稀,佢同女友都好錫個BB,女友仲成日湊埋個B返時裝店開工㖭!不用工作的日子,黃德斌將全副心機時間去湊仔,本月中,二人湊住B仔到尖沙咀一間平民餐廳開餐,入到去黃德斌先揀個隱蔽位置抱住B仔坐好,B仔忽然扭計扁晒嘴,德斌就緊張到即刻哄埋去狂啜B仔,氹到BB即時笑番。



吃了大約一小時埋單走人,黃德斌抱住B仔同女友行去附近攞車,路過報紙檔見到有玩具車賣,佢又即刻買畀B仔玩,期間黃德斌女友不時用手摸B仔面珠及撥他頭髮,更忽然冧爆捉住B仔手仔錫,雖然多次否認係BB老竇,更曾揚言同BB毫無關係,但當日所見,卻似足一家三口幸福家庭樂!







B仔不離手

雖自稱幫朋友湊B,但黃德斌就算同圈中好友戚其義、郭少芸的飯局,例牌一家三口列席,而女友為父母慶生都抱埋B仔,關係非常親密!






https://share.hk.weibo.com/news/article/20180809/3/29/60/拍拖18年-迎娶39歲女友55歲黃德斌-入紙結婚唔擺酒-9114633.html